diumenge, 20 de maig del 2018

Lo luec d'enluec

Lo luec d'enluec, Offre Thierry

Lo luec d'enluec, Offre Thierry
Lo luec d'enluec, Offre Thierry



d'occasion à partir de EUR 22,95
neufs à partir de EUR 12,00


Livre en occitan - Collection Pròsa occitana - « Un uelh, l'uelh dau monde benlèu... Un uelh que naseja, un quauqua ren eissit de la man d'ailà dau tropic dau Capricòrne, un uelh que fa garri-babau per ti dire la vidassa, pretenciosament... Aquesta vida en rebat de la Tèrra, dau Cièle e d'aquesteis Aigas que dien aquí (deliciosament) les eaux territoriales... La mar, un pauc bolegarèla, d'un gris tèrne, es bassacada d'èrsas, d'ondadas e d''otarias. Aquò per astre, qu'autrament, viés un pauc lo tablèu, tant vau mièlhs si tirar una bala en plen frònt entre aquelei païsatges d'apocalipsi, cièle ennivolit, e mai la mar de blasin e la nèbla per dessús lo mercat, de nèbla o de blasin, ti dieu. Aquest rebat gris, tan gris de l'Indian, coma dei mars dau sud, sa legenda. Una crenta ! » Entre los oceans indian e antarctic, endacòm dins los quarantens rugissents, es perduda una pichòta iscla mingarèla batuda dels vents e de las èrsas, que se tròba èsser francesa. Una estacion scientifica i foguèt installada, ont l'autor, meteorològ de son estat, sejornèt lo temps d un ivernatge. Nos raconta la vida dins aquel « luec d'enluec », paradís de l'aucelilha e dels mamifèrs marins. Pels òmes que se'n son faches per qualques meses los prisonièrs volontaris, l'utopia somiada pòt virar a l'infèrn, qu'es causa coneguda que l'infèrn, aquò's los autres. L'embarrament de qualques desenas de masclasses condemnats a viure ensems dins un recanton tan salvatge produtz qualques amistats de rescontre, mas tanben frustracions, garrolhas e tustes violents de personalitats. L'interès d'aquel raconte es tanben la lenga causida per dire lo « pas'nlòc », una lenga enrasigada que, ni mai ni mens que tota autra, a pas res a far dins aquel desèrt d abans l'òme, d'abans tota paraula : un occitan ipermarselhés pastat d''oralitat e d'invencion, que deu fòrça al grand Victòr Gelu e que dona chuc e muc al nonrés de la vida vidanta, un parlar de quèco exiliat dins lo vuèg immens d'aquel mond del finimond.

  • Broché: 136 pages
  • Editeur : Trabucaire (26 octobre 2016)
  • Collection : Pròsa occitana
  • Langue : Français
  • ISBN-10: 2849742392
  • ISBN-13: 978-2849742396
  • Dimensions du produit: 22 x 1 x 14 cm

L'uèlh (var. uelhuòlh) es l'organ de la vision, es a dire qu'es l'organ que permet a un animal d'analisar la lutz per poder interagir amb lo sieu environament. L'uèlh detècta los fotons constitutius de la lutz al nivèl de la retina e los va transformar en senhals electrics que va mandar pel nèrvi optic fins al cortèx visual situat dins lo lòbe occipital del cervèl.
En foncion de las espècias, existisson diferents tipes d'uèlhs, de sensibilitats variadas, que van dels mai simples que detèctan pas que la lutz o la foscor, fins als pus complèxes (coma los uèlhs umans) que pòdon detectar formas e colors. La majoritat dels organismes complèxes, mamifèrs, aucèls, reptils, peisses, dispausan de dos uèlhs, que pòdon èsser situats sus un meteis plan, çò que permet de definir los imatges de forma tridimensionala (vision binoculara, pròpria dels umans); o sus de plans diferents, en obténer d'imatges separats (vision monoculara), coma a cò dels conilhs o dels camaleons.


Cap comentari:

Publica un comentari a l'entrada

Nota: Només un membre d'aquest blog pot publicar entrades.